Solar power gibutang sa Bantayan island

Source: http://www.sunstar.com.ph/superbalita-cebu/balita/2018/01/28/solar-power-gibutang-sa-bantayan-island-586116

DUL-AN sa P800,000 nga kantidad nga mga solar equipments ang nadawat sa Bantayan National High School gikan sa Vivant Foundation nga gipahiga­yon kaniadtong Enero 26 ang estalasyon sa solar po­wer aron kini makatabang sa pagpalambo sa kalidad sa ilang edukasyon. Sa samang adlaw, ang Vivant Corporation ug sa ET Vivant nilunsad sa solar prject sa elektripikasyon sa Hilotongan Island Integrated School, usa ka isla sa Bantayan, Cebu. Ang Vivant Foundation nagmugna sa prohekto nga solar elektripikasyon nga mohatag kini og bag-ong enerhiya hilabi na sa mga ug mga off-grid solar nga mga publiko nga eskwelahan. Human gilibot ang mga nakalainlaing komunidad sa Pilipinas nakita kini nga sagad sa mga suliran mao ang kakulangan sa pagpangandam sa Se­nior High School. Mao kini ang nahimong tumong sa Vivant Foundation sa pagpatuman proyektong elek­tripikasyon sa solar. Si Shem Jose Garcia, Executive Director sa Vivant Foundation, niingon nga nitutok sila sa techvoc ug sa miaging tuig lang nakuha nila ang PCMC accreditation. “We started in Palawan with building science labs, donating science equipment, doing equipment electronic installation and maintenance. It’s also our interest to more electrican so that people are more confident in gathering electronics,” matod ni Garcia. Naa sa 51 ka mga senior high nga estudyante sa Bantayan nga naa sa kurikulum nga Electrical Installation and Maintenance (EIM) nga kurso ang nakadawat og makabenepisyo sa mga solar equipment. Gawas sab sa pag-donar sa mga ekipo, muhatag sad ug mga pagbansay sa mga magtutudlo sa EIM. Naa sa P200,000 nga badyet ang ipahigayon nga pagbansay alang sa mga magtutudlo sa u­­maabot nga bakasyon “Unique part is incorporating idea of having a larger higschool that offers EIM and updating their course includes solar exchage for them getting the equipment and training there gonna check in islet school that is electrified to make sure that it is maintain”, dugang pa ni Garcia. Ang proyekto usab nakigtam­bayayong sa Department of Education (DEPED) ug TESDA. Sa pakighinabi ni Sylvio Sabino, Education Program Supervisor, DepEd Regional Office VII siya nagkanayon nga human gituman sa Vivant ang pagtabang kanila ang hagit karon mao ang bahin sa DepEd. “Were planning to send more than one teacher to be trained for this curicculom, in case a teacher will transfer. It would not be losing the sustainability and we can always continue the program. Everyone is always welcome to benefits from us,” ingon pa ni Sabino. Apan naglaum gihapon sa mga pulong gikan sa Vivant nga kini mapalapad sa umaabot. “I consider Vivant as our heavent sent stakeholder as our partner in Educational system,” matod ni Sabino. Sa laing bahin, Si Raji Roullo, Planning and Design engineer sa ViVANT Corp., niingon nga sila nidonar sa instelasyon sa solar rooftop nga makatabang sa pagpalihok sa Hilotongan Integrated School, usa ka isla sa Bantayan nga walay suplay sa kuryente. Ang Vivant mo-donate sa gibanabana nga gidaghanon sa 200 ka mga Solar Panels nga adunay 60 ka kilowatts sa Hilotongan Integrated School sa Marso, matud niya. Si Mc Jemart Martinez, 18 anyos, usa ka estudyante sa Grade 12 ug EIM ang gikuha nga kurso mibutyag nga mas daghan pa ang ilang makat-onan karon hilabi na kompleto na og mga gamit. “Maka proceed nami sa discussion kay lahi ragyud ang demo kaysa discuss lang. Lahi ragyud kung naa sa atuba­ngan ma perform”, matod pa ni Martinez. Ang maestro sa Senior High nga John Ray Tapales, EIM instructor pribilihiyo ug mapa­sa­­lamaton tungod sa tanang eskwelahan nga gibisita sa Vivant ang Bantayan National High School ang maong napilian. Ang Solar Power mahimo nga molungtad hangtud sa 25 ka tuig apan saktong pagmentinar lang ang gikinahanglan. Human sa training sa mga estudyante sila mahimo na nga mag-instalar, magmentenar ug mag-ayo uban sa tanan nga Senior High School techvoc nga ang estudyante gitinguha nga makahuman uban ang NCII certification gikan sa TESDA. Naa sa 3.3 Milyones ang badyet sa Hilotongan lamang ug naa sa 1 Milyones ang badyet alang sa Bantayan mahitungod sa mga pagbansay sa EIM, ekipo, ug sa solar. Gilauman nga dako kini og tabang sa edukasyon alang sa hingpit nga pagtuman sa K-12 curriculum. (Mary Diane Salasayo, USJ-R Intern)

By Sunstar

Related Articles